Igor Sergeev: "Oldimizdagi eng birinchi vazifa - guruhdan chiqish"

Uchrashuvda terma jamoamizning ikkinchi goliga Igor Sergeev mualliflik qildi. O'yindan so'ng mikst zonada hujumchining fikrlari bilan qiziqdik. 

"Eng muhimi g'alaba qozondik. Qiyin o'yin bo'ldi. Birinchi bo'limda vaziyatlarimizni golga aylantirdik. Yana bir muhim narsa gol o'tkazib yubormadik. O'yindan o'zimizga kerakli xulosalar oldik. Yigitlar yuz foiz kuchlarini ishga soldi. Endi keyingi uchrashuv haqida o'ylashni boshlaymiz",- dedi Igor Sergeev. 

- Avstraliya bilan o'yin haqida nima deya olasiz?

- Avstraliya kuchli jamoa ekanli barchaga malum. Maydonga chiqish va yutish kerak. Avstraliya bilan o'yin rejasini hali muhokama qilganimiz yo'q. CHunki bor etiborimiz bugungi o'yinga qaratilgandi. Avstraliya bilan o'yin qanday tugashini esa ko'ramiz. Oldimizdagi eng birinchi vazifa guruhdan chiqish.