"Metallurg"ning ispaniyalik murabbiyi: "Avval Janubiy Koreya va Quvayt klublarida ishlaganman"

O'yin haqida

- Biz bugun qiyin o'tishini bilardik. "Navbahor" muxlislari jamoani har doim oldinga boshlaydi. SHuningdek ular raqibga bosim tashkil qila oladilar. SHunga qaramasdan biz yomon o'ynamadik. Gol urish uchun vaziyatlarimiz bo'ldi, lekin bir oz omad etishmadi.

- Jamoa qisqa muddat ichida ijobiy tomonga o'zgaribdi. Qanday kamchiliklar bor edi va nimalarni o'zgartirdingiz?

- Garchi O'zbekistonga akademiya bilan ishlash maqsadida kelgan bo'lsam ham avvalroq Janubiy Koreya va Quvayt futbol klublarida bosh murabbiy sifatida ishlaganman. Jamoani qisqa vaqt ichida o'yinga tayyorlashga to'g'ri keldi. Bizga ozroq xarakter va shijoat etishmayapti. Navbatdagi tur o'yinlarida ijobiy natija qayd etishga harakat qilamiz.

- Bugungi natija haqida nimalarni ayta olasiz?

- Albatta, bunday natijani kutmagandik. Biz Namanganga g'alaba uchun kelgandik, lekin ko'rib turganingizdek bu rejamiz amalga oshmadi.

"Metallurg"ni qiyin vaziyatda qabul qilib oldim. Biz mehnat qilishda davom etamiz. Futbol jasur insonlar uchun mo'ljallangan sport turi. 

- Oldingizdagi maqsadlar qanday?

- Hozirda jamoani g'alabalar sari boshlash va ijobiy natijalarga erishishni maqsad qilganmiz. Jamoada mavsum yakunidan keyin ham ishlaymanmi, yo'qmi buni rahbariyat bilan gaplashib hal qilamiz.