Gol o'tkazmagan posbon, "Neftchi"ni yutgan murabbiy va 30 yoshli legioner - Superligada 21-turning eng yaxshilari​

Championat.asia sayti talqiniga ko'ra 21-turning eng yaxshi darvozaboni – Dilshod Yo'ldoshev ("Surxon")

"Surxon" bu turda "Navbahor" bilan Namanganda bahs yuritib, 0:0 hisobida durang o'ynadi. Bu o'yinda mehmonlar posboni Dilshod Yo'ldoshev bir necha bor jamoasini gollardan qutqarib qoldi va safarda muhim 1 ochko qo'lga kiritilishga hissa qo'shdi. Shu tariqa, Championat.asia sayti 24 yoshli posbonni 21-turining eng yaxshi darvozaboni deb topdi. 

Championat.asia sayti talqiniga ko'ra 21-turning eng yaxshi murabbiyi – Kamoliddin Tojiev ("Paxtakor")

"Paxtakor" ortda qolgan turda o'z maydonida "Neftchi"ni qabul qildi va 2:1 hisobida g'alaba qozondi. "Sherlar" o'yinning birinchi taymida 10 kishi bo'lib qoldi, lekin shunga qaramay jamoa kuchli raqib ustidan g'alabaga erisha oldi. Shunday qilib, Kamoliddin Tojiev Championat.asia talqinida turning eng yaxshi murabbiyi sifatida etirof etildi. 

Championat.asia sayti talqiniga ko'ra 21-turning eng yaxshi futbolchisi – Lyupcho Doriev ("So'g'diyona")

"So'g'diyona" bu tur o'z maydonida OKMK ustidan yirik g'alabaga erishdi – 4:1. Bahs jizzaxliklar vingeri Lyupcho Dorievning benefisiga aylanib ketdi. 30 yoshli futbolchi birinchi taymda ikkita gol urishga erishdi va ikkinchi taymda golli uzatmani amalga oshirdi. Shu tariqa, Lyupcho Doriev Championat.asia talqinida 21-turning eng yaxshi futbolchisi bo'ldi.

Championat.asia sayti talqiniga ko'ra 21-turning eng chiroyli goli muallifi – Lyupcho Doriev ("So'g'diyona")

Dorievning birinchi taym oxirida urgan goli ayniqsa chiroyli chiqdi. Chap qanotda to'pni egallab olib jarima maydoni ichiga kirib to'pni darvozaning uzoq yuqori burchagiga joylab qo'ydi. Shu tariqa, Doriev Championat.asia sayti talqiniga ko'ra, turning eng chiroyli gol muallifi deb topildi.