"Metallurg" - "SHo'rtan". Uchrashuvdan keyingi fikrlar

Aleksandr Volkov, “SHo'rtan” FK bosh murabbiyi: - Bugun muxlislar juda qiziqarli, murosasiz o'yinning guvohi bo'lishdi. Afsuski bitta o'yinda ikkita gol kiritib ham mag'lub bo'ldik. Aslida bitta gol yutuqqa etarli bo'lishi mumkin. Biz yo'l qo'yilgan xatolar ustida ishlaymiz. Nasib bo'lsa, ishqibozlarimizni keyingi o'yinlarda xursand etamiz, degan umiddaman. “Metallurg”ni va uning muxlislarini esa mavsumdagi birinchi g'alabalari bilan tabriklayman, deydi Aleksandr Volkov.

SHavkat Saidov, “Metallurg” FK jamoa boshlig'i: - Ikkita mag'lubiyatdan keyin mazkur uchrashuvda jamoamizga g'alaba suv va havodek zarur edi. Buni o'yinchilarimiz ham, murabbiylarimiz ham tushunib turishgandi. SHu boisdan ham birinchi navbatda biz futbolchilarning psixologiyasi bilan ishladik. Ularni ruhan o'yinga tayyorladik. Natijasini ko'rdingizlar. Agar yaratilgan vaziyatlardan yanada unumli foydalanganimizda hisob bundanda yirikroq ko'rinish olishi mumkin edi. “SHo'rtan” jamoasiga keyingi bahslarda omad tilaymiz, deydi SHavkat Saidov.

"Metallurg" matbuot xizmati