"MediaUZ – futbol haftaligi" o'tkaziladi

Musobaqa — yurtimizdagi jurnalist va blogerlar, umuman milliy media maydonida faoliyat yuritayotgan ijodkorlarni xalq farovonligini oshirish, mamlakat taraqqiyotiga hissa qo'shishda bir musht bo'lib birlashtirish va jipslashtirish maqsadida tashkil etilmoqda.

Axborot sohasining barcha vakillarini do'stlik, hamjihatlik, hamfikrlik shiori ostida o'tkaziladigan "MediaUZ – futbol haftaligi"gida faol ishtirok etishga chorlaymiz!

Hurmatli bloger va jurnalistlar! 

Musobaqa nizomiga muvofiq, unda asosan ommaviy axborot vositalari xodimlari, jurnalistlar, blogerlar hamda agentlik tizimiga kiruvchi tashkilotlardan tuzilgan 24 ta jamoa qatnashadi. Unda ishtirok etish istagini bildirganlar shaxsini tasdiqlovchi xujjatlar — fuqarolik pasporti, mehnat daftarchasi yoki tuzilganiga 3 oydan kam bo'lmagan muddatli mehnat shartnomalari nusxasini, shuningdek, 3x4 hajmdagi fotosuratlarini "oksmm@intal.uz" elektron manziliga yuborishi lozim.

Arizalar 2019 yilning 22 avgustigacha qabul qilinadi. 

Bundan tashqari, tadbir arafasida — 22 avgust kuni Axborot va ommaviy kommunikaciyalar agentligida futbol musobaqasiga qura tashlash marosimi o'tkaziladi. SHuningdek, matbuot anjumanida musobaqa tartib-qoidalari, ochilish va taqdirlash marosimi to'g'risida axborot beriladi. 

Qo'shimcha malumotlarni quyidagi telefon raqamlari orqali olishingiz mumkin:

Tel: (97) 920-24-80

(71) 277-77-58