"Mashal": Oldimizda "So'g'diyona"ga qarshi kubok bahsi

Bu o'yin Jizzaxda mahalliy "Sog'diyona" klubiga qarshi bo'lib o'tadi. Davron Fayziev jamoasi bilan bo'ladigan uchrashuv 21 may kuniga belgilangan. Bu o'yinga Aleksandr Xomyakov shogirdlarini jiddiy tayyorlamoqda. Bugundan jamoa mashg'ulotlarga kirishdi. Hozirda jarohatdan so'ng safga qaytgan himoyachimiz G'iyosjon Komilov ham umumiy guruhga qaytdi. Komilov "So'g'diyona" bilan chempionat uchrashuvidan jarohat olib safdan chiqqan edi va aynan shu jamoaga qarshi kubok bahsida endi maydonga tushishi mumkin.

Eslatib o'tamiz, O'zbekiston kubogining Muborakdagi 1/8 final birinchi uchrashuvida 1:1 hisobida durang qayd etilgan edi. Javob o'yini endi 21 may kuni Jizzaxdagi "So'g'diyona" o'yingohida 18:00 da start oladi.