"Manchester Siti" "Brayton" himoyachisi bilan shartnoma shartlarini kelishib oldi

"Brayton" himoyachisi Mark Kukurelya "Manchester Siti" qiziqishlari doirasida. Bu haqda insayder Nikolo Skira xabar bermoqda.

Manbaga ko'ra, "shaharliklar" futbolchi bilan 2027 yilning iyunigacha mo'ljallangan shartnoma borasida kelishib olishgan. Ayni dam Angliya chempioni futbolchini transfer qilish uchun "chaykalar" bilan muzokara olib bormoqda.

Kukurelya hozircha "Brayton"da atigi 1 mavsum o'tkazdi. 23 yoshli himoyachi yakuniga etgan mavsumda barcha turnirlarda 38 ta o'yinda maydonga tushib, 1 ta gol urdi va 2 ta golli uzatmaga mualliflik qildi.