Maksim SHackix: "Bugungi uchrashuvdan muxlislarning ko'ngli to'ldi, deb o'ylayman"

"Bugungi uchrashuvdan muxlislarning ko'ngli to'ldi, deb o'ylayman. Biz doim ular uchun to'p tepamiz. O'yinga kelsak, gollar ham, vaziyatlar ham etarli bo'ldi. Ikki jamoa darvozasi oldida keskinlik yuqori kechdi. O'yinni muvaffaqiyatli yakunladik. Xatolarimiz yo'q emas. Ishlashda davom etamiz", - deydi Maksim SHackix. 

- Qishda amalga oshirilgan transferlardan ko'nglingiz to'ldimi?

- Jamoamizga qo'shilgan futbolchilardan qoniqdim. Hozircha bizda tarkib shunday. Yozda yana tarkib to'ldiriladi. Bu bosqichda oladigan futbolchilarimizni oldik. 

- Bugungi uchrashuvda ko'p gol kutganmidingiz?

- Bunday gollarga boy o'yinni hech qaysi murabbiy kutmasligi tabiiy. Boz ustiga mavsum startida turibmiz. "Qayrat"ni o'rgangan edik. Ular bugungidek o'yin ko'rsatishini kutgandim. Qaysidir joyda agressiv holda pressing qilishdi. Raqib safidagi hujumchi yaxshi harakat qildi. Katta tezlik, vaziyatni hal qila olish kabi ustun tomonlari bor ekan. "Qayrat" murabbiyi bilan gaplashdim. Yosh mutaxassis. Umuman olganda bugun faol futbol ko'rsatdik, deya olaman. Qolaversa, "Qayrat" ham maqul keldi.