Makron Benzema va Franciyaning jarohatdagi boshqa futbolchilarini JCH finaliga taklif qildi

"Marca" xabariga ko'ra, davlat rahbari bu futbolchilar jamoaning Argentina bilan o'yinida stadionda bo'lishini istaydi. Gap Karim Benzema ("Real"), N'Golo Kante ("CHelsi") va Pol Pogba ("Yuventus") haqida ketmoqda.

Sport vaziri Ameli Udea-Kastera bu malumotni tasdiqladi: "U buni xohlayotganini bilaman. Reja amalga oshish arafasida. Logistika va xavfsizlik nuqtai nazaridan nima qilishimiz mumkinligini ko'rib chiqamiz. Lekin prezident ular o'sha erda bo'lishi va bu sarguzashtda qatnashishini istamoqda.

Oldinroq "Real" Benzemaning Qatarga ketishiga qarshi emasligi haqida xabar berilgandi.

Franciya 2022 yilgi Jahon chempionati finalida Argentinaga qarshi maydonga tushadi. Uchrashuv 18 dekabr, yakshanba kuni "Lusail" stadionida bo'lib o'tadi.