"Lokomotiv" sobiq bosh murabbiyi Vazgen Manasyan vafot etdi

Vazgen Manasyan 1980-1992 yillar mobaynida Dushanbening "Pomir" jamoasida to'p tepgan. Bu vaqt oralig'ida klub safida 425 ta o'yinda maydonga tushib, 123 ta gol urgan. 1986 yilda SSSR birinchi ligasida 27 ta gol urgan va "Komsomolec Tadjikistana" gazetasining "O'q otayotgan butsalar" sovriniga ega chiqqan.

1992 yilda Tojikiston terma jamoasi tarkibida o'yin o'tkazgan. 

2011, 2013, 2018-2019 yillarda Toshkentning "Lokomotiv" jamoasida murabbiy sifatida ishlagan. 2011 yilgi mavsumda "Lokomotiv" bilan birinchi liga chempioni bo'lgan va jamoani Oliy ligaga chiqishida munosib hissa qo'shgan. 

2013-2015 yillarda Tojikiston terma jamoasi bosh murabbiyi yordamchisi sifatida ishlagan. 

Malum vaqt Yaypanning "Turon" jamoasida ham faoliyat olib borgan. 

Saytimiz tahririyati Vazgen Ignatovichning vafoti munosabati bilan marhumning yaqinlariga o'z taziyasini bildiradi.