"Lokomotiv" 4 klubdan pul talab qilmoqda

"Lokomotiv" o'z vaqtida "temiryo'lchilar" safida ro'yxatdan o'tgan futbolchilar — Jasur Jaloliddinov, Javohir Abdualimov, Jaloliddin Jumaboev, Nurmuhammad Toshpo'latov va Anvar Alijonov uchun mashg'ulot kompensaciyasi talab qilishni boshladi.

“Futbolchilar maqomi va transferi bo'yicha reglament”da mashg'ulot kompensaciyasi nima ekanligi va uni hisoblash mexanizmi tushuntirib o'tilgan. SHu asosda "Lokomotiv" yuqorida nomlari keltirilgan futbolchilar uchun "Neftchi", "Navbahor", "Mashal" hamda "Do'stlik" Toshkent klublaridan reglament asosida pul olishni rejalashtirgan. Bunda nafaqat kompensaciya, balki uni o'z vaqtida to'lamaganlik uchun penyalar ham inobatga olingan.