"KYU-2015" birinchi o'yinda "Paxtakor" g'alaba qozondi

"Paxtakor" - "Lokomotiv" 2:0 (1:0)

Gollar: Rixsiboev S, Norbiev M.

"Paxtakor": Mansurov SH, Baxtiyorov M, Abdullaev A, Hikmatullaev M, Atometov A, Rixsiboev S, Li Vladimir, Iskanderov A, Mirafzalov A, Norbiev M, Usmonov K, Asqarov J.

Murabbiy: Viktor SHimyakov.

"Lokomotiv": Sibgatulin R, Baxtiyorov SH, SHokirov M, Amatov A, Bahodirov K, Uchqunov M, Alisherov A, Mirzaev L, Xazigaliev A, Ashurov A, Jo'raev Hasan, Jo'raev Husan.

Murabbiy: Sunnat Ro'ziev.

O'yin boshlanishidan avval 2006 yilda tavallud topgan o'smirlar OCHLda bo'lgani kabi uchrashuv komissari bilan zalga tushib keldilar. Davlatimiz madhiyasi yangragach, ikki jamoa azolari birgalikda suratga tushdilar.

Kuni kecha Turkiyada bo'lib o'tga festivalda birinchi o'rin bilan qaytgan yosh temiryo'lchilar o'yinning dastlabki daqiqalardanoq tashabbusini o'z qo'llariga olishga harakat qildilar. 20 daqiqadan ikki bo'lim davom etgan uchrashuvning birinchi bo'limida hujumni "Lokomotiv" qilgan bo'lsada, golni "Paxtakor" azosi urdi. Qizig'i shundaki, Viktor SHiyakov darvozaga aslida himoyachi bo'lgan futbolchini o'yinni boshidanoq tarkibga kiritdi. Bu esa o'yin natijasiga o'z tasirini o'tkaza oldi. Rixsiboev tomonidan kiritilgan birinchi golda aynan Mansurovning tezkor harakatlari sabab bo'ldi. Ikkinchi bo'limda esa Noyerga o'xshab harakat qilgan posbon ikkita seyv qildi. Garchand,o'z darvozasidan ikkita gol o'tkazib yuborgan bo'lsada, Sibgatulin ham o'z postida ishonchli turdi. 

O'yinni futbolchilarning zaxira o'rindig'idan bevosita Ivan Nagaev va Nemanya Yanichich tomosha qildilar. Oliy ligada o'z o'rniga ega futbolchilar bilan bir qatorda o'tirish yoshlarimizga katta quvonch bag'ishlagani bo'lsa ajab emas.

Uchrashuv yakuniga ko'ra "eng yaxshi futbolchi" deya "Paxtakor" jamoasining darvozaboni SH.Mansurov topildi. Unga "Akfa olami" savdo brendi tomonidan telefon sovg'asi topshirildi.