Kuman Grizmanning so'zlari haqida: “Murabbiy buyruq beradi, futbolchi esa o'zini maksimal ko'rsatishi kerak”

“Barselona” ustozi Ronald Kuman uning so'zlariga izoh berdi.

“Har kim o'zi xohlagan narsani aytishga haqli. Kecha u bilan gaplashgandik, ammo bu haqida emas. Biz uning poziciyasi va samaradorligi haqida suhbatlashdik. Jamoa uchun yaxshi variantlarni izlamoqdaman va u o'ng qanotda boshlashi kerak bo'lsa, demak shunday qilish kerak deb o'ylayman. SHuningdek, u “o'nlik” yoki “to'qqizlik” poziciyasida ham o'ynay oladi, qarorni men qabul qilaman, u esa maksimal darajasini ko'rsatishi lozim.

Grizmann qo'ldan kelgancha harakat qilmoqda va unga omad ham keladi, ammo u tavakkal qilishi zarur. Murabbiy buyruq beradi, u esa borini bag'ishlashi kerak”, deydi Kuman.