So’nggi yangiliklar

12:32"Тоттенхэм" "Барселона" футболчисини нишонга олди  0 12:05"Рома" А Сериядаги мағлубиятсиз сериясини 17 ўйинга етказди  2 11:41Иммобиле Италияга қайтиши мумкин?!  2 11:18Нико Уильямс МЮ билан ўйин ҳақида: "Фаворит йўқ, улар АПЛда пастда жойлашишган. Биз "Атлетик Бильбао" нималини кўрсатишга ҳаракат қиламиз"  7 10:54Раньери «Рома»нинг «Верона» устидан қозонилган ғалабасига муносабат билдирди  1 10:27Про лига. Бугун 3-тур якунланади  0 09:56«Барселона»да «Реал»га қарши учрашувдан аввал катта йўқотиш бор  7 09:26«Верона»га қарши учрашувдан сўнг Шомуродов ўз фикрларини билдириб ўтди  5 08:58Улуғбек Бакаев: "Гол ўтказиб юборган вазиятимиз ва пенальти белгиланган вазият бўйича ҳам саволларим бор"  13 08:31Исломбек Исмоилов – истеъдодларга тўла жамоа билан мукаммал ишни бажаришга яқин: ОФК расмий саҳифаси Исломбек Исмоилов ҳақида катта мақола эълон қилди  10 08:03Sofascore. Жамоасига ғалаба тақдим этган Шомуродов неча баҳога лойиқ кўрилди?  3 07:37Суперлига. Бугун Олмалиқ ва Андижонда ўйинлар бор  6 07:05U-17 Осиё кубоги. Бугун ФИНАЛ!  26 02:35Асрор Алиқулов: "Рақибда 65-70 дақиқалардан сўнг бўшлиқлар пайдо бўлишини кутгандик"  1 02:14Анвар Бердиев: "Ўйин битта голгача бўлди, уни эса "Машъал" урди"  5

Kristian Benteke: “Liverpul”dagi mavsumni boy berilgan deb hisoblamayman” Yangiliklar

Kristian Benteke: “Liverpul”dagi mavsumni boy berilgan deb hisoblamayman”

Avvalgi mavsumda 32,5 million funt evaziga “Liverpul”ga kelib qo'shilgan Kristian Benteke murabbiy almashgandan keyin asosiy tarkibdagi o'rnini boy berdi va Yurgen Kloppning rejalaridan o'rin olmadi.


Yozda belgiyalik hujumchi “Kristal Pelas”ga ko'chib o'tib, yangi jamoasi uchun gol urish hamda g'alaba keltirishni boshlab yubordi. Benteke “Daily Mail” gazetasi muxbiri bilan suhbatda mersisaydliklar safida o'yini qovushib ketmagani haqida fikrlarini bildirib o'tdi.

Benteke “Enfild Roud”ga Brendan Rojers davrida xarid qilingandi. Ammo shotlandiyalik mutaxassis belgiyalik futbolchining kelganiga uch oy bo'lganda klub tomonidan ishdan bo'shatildi. Keyin esa germaniyalik Yurgen Klopp boshchiligidagi murabbiylar shtabiga ishonch bildirildi. “Liverpul”ga Klopp kelgandan keyin Benteke o'zini asosiy tarkib uchun muvaffaqiyatsiz kurash olib borgan deb hisoblaydi. Bunday holatga duch kelgach, u noroziligini matbuotda oshkor qilib o'tirmadi. Joriy yozda esa u “Pelas”ga 32 million funt evaziga sotib yuborildi. London klubi uchun Benteke eng qimmat futbolchiga aylandi. Alan Pardyu hujumchini jamoasiga o'tishga ko'ndira oldi. Mutaxassis Benketega asosiy tarkibdan joy vada qildi.

- “Liverpul”dan “Pelas”ga o'tish faolitingizda ortga tashlangan qadam sanalmaydimi?

- “Kristal Pelas”ga o'tish men uchun ajoyib qadam bo'ldi. Ha, oldingi klubim singari oldiga katta maqsad qo'ygan jamoaga o'tmagandirman, lekin bu erda har dam olish kuni maydonga tushish imkoniyatiga egaman. Orzum haligacha katta klub safida o'ynash va Evrokuboklarda ishtirok etish bo'lib qolmoqda. SHu bilan birga “Pelas”ga shunchaki bir mavsum o'ynash va shundan keyin boshqa klub tarkibiga o'tish uchun kelmaganman.

- Nega aynan londonliklarni tanladingiz?

- “Kristal Pelas”transferim uchun yagona variant emasdi. Boshqa jamoaga o'tib, ko'proq pul ishlashim ham mumkin edi. Hozir 25 yoshdaman. Bu futbolchi uchun qiyin va burilish nuqtasi hisoblanadi. Ayni paytda menga ishonchni his qilish va etarlicha o'yin amaliyotiga ega bo'lish muhim sanaladi.

- Joriy mavsumdan nimalarni kutyapsiz?

- Bu yil nimalarga qodirligimni ko'rsatishni xohlayman. Alan Pardyu bilan suhbatlashdik va “Liverpul”da kam o'ynagan bo'lishimga qaramay, mavsumga tayyorgarlik davrida jismonan juda yaxshi shug'ullandim va uchrashuvlarga har tomonlama tayyorman.

- O'tgan yili “Liverpul”ga o'tishingizni xato bo'lgan qaror deb atash mumkinmi?

- Bu klub safiga o'tishni xato deb hisoblamayman. Jamoaga kelganimda murabbiy boshqa edi, u bilan hammasi boshqacha ko'rinish olishi mumkin edi. Kloppning taktik sxemasiga mos kelmadim va ruhan bu juda qiyinchilik tug'dirdi. Lekin men bahona qidirmayman. Maydonga tushirilgan daqiqalar ichida o'zimni ko'rsatish imkoniyati yuzaga kelgandi. Biroq men ishonchni oqlolmadim.

- Yuzaga kelgan vaziyatni o'zgartirish imkoniyati bormidi?

- “Liverpul”– katta klub va murabbiy ortidan ofisga borib, eshik qoqib ko'proq vaqt o'ynashni so'ray olmaysan. Katta odamman va holatdan chiqib ketishim lozim edi. Kloppda malum tizim bor, bu u jamoaga kelgunga qadar ishlab chiqib bo'lingan. Unga mos kelmadim. Bunday vaziyat professional futbolchilar faoliyatida yuz berib turadi. “Liverpul”da o'tkazgan vaqtimdan afsuslanmayman.

Benteke nafaqat klub, balki terma jamoada ham yangi murabbiy bilan ishlashiga to'g'ri keladi. Evro-2016dan keyin Mark Vilmots jamoani tark etdi va uning o'rniga Roberto Martines tayinlandi. Hozircha u Martinesning ishonchini qozonib, termada ham asosiy hujumchilaridan biri o'rnida o'ynashga harakat qilib ko'radi.


Behzod NAZAROV tayyorladi.

Reyting: +3   

Fikrlar

championat.asia
< so’nggi yangiliklarni ko’rish
Яндекс.Метрика