Koke: "Balki, Suares Messini "Atletiko"ga o'tishga ko'ndirar"

"Bu qiyin. Leo faoliyatini "Barselona"da o'tkazdi, Messiga u erdan ketish qiyin bo'ladi.

Nega endi "Atletiko"ga emas? Do'stlar bilan suhbatlashganda ko'p kulamiz va o'zimizga savol beramiz: Messini qanday qilib "Atletiko"ga olib kelishga ko'ndirish mumkin?

Iqtisodiy jihatdan qiyin narsa, sababi biz uning "Barselona"da ishlayotgan pulini to'lay olmaymiz. Ammo siz hech qachon nima bo'lishini bilmaysiz.

Balki, Suares uni ko'ndirishi mumkin. Bu futbol, bizda ajoyib jamoa bor, o'yinchilarimiz ham zo'r va umid qilamizki, bu "Atletiko" uchun CHempionlar Ligasidagi ajoyib yil bo'ladi", - deydi Koke.