Klopp sovrin yutilmaguncha "Enfild" yozuviga tegishni taqiqlagandi. Endi mumkin

"Liverpul"ning yangi futbolchilari stadionga ilk bor tashrif buyurganlarida yozuvga qo'l tekkizishadi - bu ananaga aylandi. Avvallari o'yinchilar maydonga chiqishdan oldin yozuvga teginib o'tishgan, ammo Yurgen Klopp jamoaga kelganidan so'ng faqat bir kishi bu ishni qildi - jamoa sardori Jordan Xenderson.

Klopp futbolchilarga yozuvga tegishni taqiqladi va aniq tushuntirdi: "Biror sovrin yutishmaguniga qadar "This is Anfield" yozuviga tegmaslikni so'radim. Bu hurmat belgisi" (bu taqiq Xendersonga aloqador emas, chunki u 2012 yilda Angliya liga Kubogida g'olib bo'lgan).

Ammo yana bir hikoya mavjud:

"Bu erga "Borussiya" bilan kelganimda yozuvga qo'l tekkizganman. Keyin yirik hisobda mag'lub bo'ldik. Biror narsa yutsak, keyin yozuvga qo'l tekkizishga qaror qildim" - deydi nemis mutaxassisi.

Klopp "Liverpul" bilan CHempionlar ligasida g'olib bo'ldi va taqiq olib tashlandi. "Norvich"ga qarshi APLning birinchi tur uchrashuvida Veynaldum yozuvga qo'l tekkizdi: "Boss sovrin yutmagunimizga qadar yozuvga tegishga ruxsat bermasdi. Vaqti keldi".

Bu yozuvni afsonaviy Bill SHenkli o'rnatgan. U 24 yil turgan, 1998 yilda esa eskisidan umuman farq qilmaydigan yangisi o'rnatildi. Ammo 2012 yilda "Liverpul"ga kelgan Brendan Rojers original variantni qaytarishni talab qildi. SHundan so'ng jamoaga g'oliblik ruxi qaytdi.

APLda chempion bo'lish vaqti keldi.