“Kamoliddin Kenjaev” turniriga taklif etamiz!

Uning “Nasaf” jamoasini tanilishida va yutuqlariga qo'shgan hissasini hamma etirof etadi va hurmat qiladi. Futbolchi avtohalokat tufayli futbolni tark etishga majbur bo'lgan. Og'ir jarohati orqali harakatlanish imkoniyatini ham yo'qotdi. Kamoliddin Kenjaevni qo'llab-quvvatlash uchun, unga dalda bo'lish uchun har yili turli tadbir va xayriya akciyalari tashkil etiladi. Bundan asosiy maqsad uni yolg'izlatib qo'ymaslik.


“Nasaf” muxlislar klubi va futbol maktabi hamkorligida 2 oktyabr kuni Qarshida futbol bo'yicha “Kamoliddin Kenjaev” kubogi turniri tashkil etilmoqda. Ushbu futbol turniri “Nasaf” futbol maktabida o'tkaziladi. Turnirda 2006-2007 yillarda tavallud topgan yosh futbolchilardan iborat jamoalar ishtirok etishadi. Mazkur turnirda Qarshi shahridagi o'rta talim maktablari jamoalari, shuningdek Qashqadaryo viloyatidagi o'rta talim maktablari jamoalari hamda boshqa viloyat jamoalari ham ishtirok etishlari mumkin. Turnirda ishtirok etish hohishi bo'lgan jamoalar 2 oktyabr seshanba kuni, “Nasaf” futbol maktabida soat 10:00gacha ro'yxatdan o'tishlari va buyurtma topshirishlari kerak.

Turnirda “Nasaf” futbol maktabi rahbariyati va murabbiylari hozir bo'lishadi. Turnir ishtirokchilari orasidan futbol maktabimizga iqtidorli yoshlar tanlab olinadi.

Turnir g'oliblari diplom, kubok va esdalik sovg'alari  bilan taqdirlanishadi. G'oliblarni taqdirlash marosimi shu kuni “Markaziy” stadionimizda o'tkaziladigan, “Nasaf” – “Qizilqum”  uchrashuvining tanaffus paytida  tashkil etiladi. Taqdirlash marosimida Kamoliddin Kenjaevning shaxsan o'zi ishtirok etadi.

Futbol uchrashuvini tomosha qilishga yosh futbolchilarning ota-onalarini hamda barcha futbol ishqibozlarini taklif etamiz.

Murojaatlar uchun telefonlar: +998 91 224 74 74 – Sanjar Sayfiev, “Nasaf” muxlislar klubi etakchisi.

                                                           +998 90 443 20 06 – Siroj Eshqobilov, “Nasaf” futbol maktabi murabbiyi.

Turnirga marhamat qiling!