Mustaqillik Kubogi-2025 "Uz-Galaxy"da!

Xalqimizning eng ulug' va eng aziz bayrami – O'zbekiston Respublikasi davlat mustaqilligining 34 yilligi nafaqat jonajon yurtimiz, balki uzoq xorijdagi vatandoshlarimiz orasida ham keng nishonlandi. Xususan, Amerika Qo'shma Shtatlarida ikki haftadan ziyod davom etayotgan bayram tadbirlari doirasida futbol bo'yicha o'zbekistonliklar va dunyo o'zbeklari o'rtasida 9-shtatlararo Mustaqillik Kubogi turniri bo'lib o'tdi. 

"Mahalla USA" jamiyati tomonidan tashkil etib kelinayotgan bu turnirga qiziqish tobora ortib borayotir. Buni joriy yilgi musobaqalarda AQSHning 10 dan ortiq shtatidan jami 18 ta xavaskor jamoasi g'oliblik uchun kurashga kirishganidan ham bilish mumkin. Bir nechta jamoa arizalarni kech topshirgani yoki talabnomani to'ldirishda xatolarga yo'l qo'ygani bois musobaqaga qo'yilmadi. Shu tariqa, 18 ta jamoa 3 ta guruhga bo'lingan holda bahslarga kirishdi.

"A" guruhi

"Lochin" (Kanzas)

"Uz-Galaxy" (Kaliforniya)

"O'zbegim" (Nyu-Jersi)

"Semurg'" (Delaver)

"Samarqand" (Nyu York)

"Vodiy" (Ohayo)

"B" guruhi

"Hamkor-Uz" (Ohayo)

"Turon" (Pensilvaniya)

"Barlos-Chikago" (Illinois)

"Atl Uzbeks" (Kaliforniya)

"Do'stlik" (Nyu York)

"New England" (Massachusets)

"C" guruhi

"Inter" (Florida)

"Uzb FC" (Nyu-Jersi)

"Paxtakor" (Nyu York)

"Asaka" (Tennessi)

"Dinamo" (Nyu-Jersi)

"Uzbek Chicago" (Illinois)

Har bir guruhdan dastlabki 2 o'rinni egallagan jamoalar va 3-o'rin sohiblaridan eng yaxshi ko'rsatkichga ega 2 ta jamoa pley-off bosqichida kurashni davom ettirishdi.

Chorak final

"Lochin" - "Barlos-Chikago" - 1:0

"Inter" - "Turon" - 2:0

"Uz-Galaxy" - "Uzb FC" - 1:0

"Hamkor-Uz" - "O'zbegim" - 2:0

Yarim final 

"Lochin" - "Inter" - 3:2

"Uz-Galaxy" - "Hamkor-Uz" - 2:1

3-o'rin uchun 

"Hamkor-Uz" - "Inter" - 3:1

Final

"Uz-Galaxy" - "Lochin" - 2:1

Takidlash kerak, tashkilotchilar yosh avlod orasida musobaqaga bo'lgan qiziqishni yanada oshirish maqsadida har safar turnirga taniqli futbolchilar yoki futbol jamoatchiligi vakillarini taklif qilishadi. Birodar Abduraimov, Ravshan Ermatov, Server Jeparov, Odiljon Ahmedov va boshqalar shular jumlasidan. Bu galgi musobaqaga o'zbek futboli yulduzlari, milliy terma jamoaning sobiq sardori, hozirda O'zbekiston futbol associaciyasi vice-prezidenti Odiljon Ahmedov, O'zbekistonning 2012 yilgi eng yaxshi futbolchisi Sanjar Tursunov, O'zbekiston futbolchilar uyushmasi raisi Kamoliddin Murzoev kabi yaqin o'tmish yulduzlari tashrif buyurishdi. Darvoqe, Odiljon Ahmedov Mustaqillik Kubogi turniriga ikkinchi bor kelishi.

"Mazkur musobaqaga 2023 yilda ham kelgan edim. Bu safargi turnirda tashkiliy jihatdan o'sish ko'zga tashlandi. Qolaversa, ishtirokchi jamoalar soni ham o'sayotgani quvonarli hol. Bundan anglash mumkinki, Amerikadagi vatandoshlarimiz orasida futbol ommalashmoqda. Qaerdaki ommaviylik oshsa, o'sha erda o'sish, rivojlanish kuzatiladi", – dedi biz bilan suhbatda Odil Ahmedov.

Musobaqa yakunida g'olib va sovrindorlar, shu bilan birga, turli nominaciyalar bo'yicha eng yaxshilar tashkilotchilar tomonidan diplom, kubok va pul mukofotlari bilan taqdirlanishdi. Ishtirokchilar esa turnir yakunida bir-biriga xayr deyishmadi, aksincha ko'rishguncha deb tarqalishdi. Zotan bu musobaqa Amerikadagi vatandoshlarimizni bir maqsad atrofida birlashtirdi, zotan o'zbek jamiyatlarining maqsadi ham shu emasmi aslida?!

Otabek Eshmamatov, Nyu York (AQSH)