Joze Mourino: “Mashg'ulotlarga zo'r berayapman. Markaziy himoyada o'ynashim mumkin”

“Pogba “Selta” bilan bo'ladigan bahsgacha maydonga qaytadi. SHuni ochiq aytishim kerakki, bu borada bizga omad kulib boqmayapti. Pol va Valensiyaning jarohati bu charchoq alomatlari bilan bog'liq.

Ixtiyorimda markaziy himoyada to'p tepadigan uchta futbolchi qoldi. Tuanzebe, Bayi va Blind. Menimcha, Bayi va Blind “Siti”ga qarshi ajoyib o'yin o'tkazishdi. Men ular bilan gaplashib, o'zlarini qay darajada his qilayotganlarini bilishim lozim.

Men o'zim ham mashg'ulotlarda astoydil shug'ullanayapman. SHu sabab yana bitta variantni ko'rib chiqishim mumkin. Bu Mourino-Tuanzebe dueti!

Bitta uchrashuvning o'zida Ibragimovich va Roxo bir xil jarohat olishdi. Smolling va Jons Angliya termasidagi mashg'ulotlardan so'ng jarohatlanishdi.

Balki bu holat jamoamizni yanada kuchaytirar. Jarohatlanganlarni safga qaytishlarini kutamiz. Dastlab Mata mashg'ulotlarga kirishishi kerak. Xuan hujum chizig'imizda rang baranglikni taminlaydi. Ammo biz hozir eng muhimi va keragi markaziy himoyachilarimizning safga qaytishi degan bo'lardim”, deydi portugaliyalik mutaxassis.