"Jenoa" haligacha SHomurodovning transferidan "Mashal"ga pul yuborgani yo'q. Ishga FIFA aralashishi mumkin

SHomurodov tarbiyalangan "Mashal" klubi ushbu transfer summasidan malum miqdorda pul olishi lozim. Bu FIFA tomonidan belgilab qo'yilgan. Xo'sh, ushbu summa Muborak klubi hisob-raqamiga tushdimi? "Tezkor studiya" ko'rsatuvida shu savol bilan "Mashal" bosh direktori Ilhom Qurbonovga murojaat qilindi:

"Bu bo'yicha "Rostov"ga ham, "Jenoa"ga ham 5-6 marta murojaat qildik. "Jenoa" so'ragan hujjatlaning barchasini taqdim qildik. To'lov bo'lishi kerak edi, ammo hozirgacha to'lov bo'lgani yo'q. "Rostov"ga aloqaga chiqdik, Rossiya klubining aytishicha SHomurodovning transfer summasidan hali bir tiyin ham o'tkazilmagan ekan.

"Rostov" bu borada FIFAga murojaat qilgan. Negadir "Jenoa" bunga sovuqqonlik bilan munosabatda bo'lmoqda desak bo'ladi. Biz ham FIFAga murojaat qilish huquqiga egamiz", - dedi Ilhom Qurbonov "Tezkor studiya" ko'rsatuvida.

Malumot uchun, ushbu klub tarbiyalanuvchilaridan yana biri SHahzod Ubaydullaev yaqinda "Metallurg"dan Belarusning "SHaxtyor" klubiga transfer qilindi. Muborak klubi bu transferdan ham malum summaga ega bo'lishi kerak.

Reklama