JCH saralash bahslariga bir oy qoldi
05 avg 2019 13:59
Yangiliklar

JCH saralash bahslariga bir oy qoldi

Yana bir oydan keyin Osiyo mintaqasida JCH-2022 saralash bosqichining ikkinchi raund bellashuvlari start oladi.

O'zbekiston terma jamoasi o'z ishtirokini 5 sentyabr kuni safarda Falastinga qarshi bahs bilan boshlaydi. Hozircha bu o'yinning qaerda bo'lib o'tishi rasman elon qilinmagan.

Malumki, qura jarayonida 40ta jamoa beshtadan 8 guruhga bo'lib chiqilgandi. Musobaqa reglamentiga ko'ra, har bir guruh g'olibi hamda eng yaxshi ko'rsatkich qayd etgan to'rtta ikkinchi o'rin egasi - jami 12ta jamoa keyingi bosqichga yo'l oladi.

"A" guruhi: Xitoy, Suriya, Filippin, Maldiv, Guam.

"B" guruhi: Avstraliya, Iordaniya, Xitoy Taypeyi, Quvayt, Nepal

"C" guruhi: Eron, Iroq, Bahrayn, Gonkong, Kambodja.

"D" guruhi: Saudiya Arabistoni, O'zbekiston, Falastin, Yaman, Singapur.

"E" guruhi: Bangladesh, Ummon, Hindiston, Afg'oniston, Qatar.

"F" guruhi: Yaponiya, Qirg'iziston, Tojikiston, Myanma, Mo'g'uliston.

"G" guruhi: BAA, Vetnam, Tailand, Malayziya, Indoneziya.

"H" guruhi: Janubiy Koreya, Livan, KXDR, Turkmaniston, SHri Lanka.

O'zbekiston terma jamoasi katta ehtimol bilan 28 avgustdan yig'inga kirishadi. Ungacha esa Superliga, O'zbekiston Kubogi va O'zbekiston Liga Kubogidan o'rin olgan bellashuvlar o'tkaziladi.

3-4 avgust kunlari O'zbekiston Kubogining 1/8 final uchrashuvlari o'tkazildi. Buyog'iga to sentyabrga qadar bizni kutayotgan o'yinlar:

10-11 avgust. O'zbekiston Superligasi (16-tur)

14 avgust. O'zbekiston Liga Kubogi (1/4 final)

17-18 avgust. O'zbekiston Superligasi. (17-tur)

21-22 avgust. O'zbekiston Kubogi (1/4 final)

26-27-28 avgust. O'zbekiston Superligasi (18-tur)

Mana shu o'yinlar o'tib bo'lgach, terma jamoa yig'ilib Falastinga qarshi tayyorgarlikni boshlaydi. Buyog'iga atigi bir oy qoldi. Yana bir oydan so'ng terma jamoamiz ishtirokidagi hayajonli onlar boshlangani guvohi bo'lamiz.