Jamshid Saidov: “Teng kurashlar ostida kechgan bahsda mag'lubiyatga uchradik”

- Bugun teng kurashlar ostida o'tgan o'yinda alamli mag'lubiyatga uchradik, - deya so'z boshladi buxoroliklar ustozi. - Uchrashuv taqdirini yagona gol hal qildi. Bugun o'yin durang ham bo'lishi mumkin edi. Afsuski, uyga ochkosiz qaytishga majbur bo'ldik.

Butun uchrashuv davomida bizni uyushqoqlik bilan qo'llab-quvvatlagan ko'psonli buxorolik ishqibozlarga rahmat aytaman. Ularning daldasi biz uchun juda muhim. Afsuski, bugun ularning ishonchini oqlay olmaganimizdan xijolatdamiz. Agar bugun g'alaba qozonganimizda chempionat jadvalida hech bo'lmasa bir pog'ona yuqoriga ko'tarilib olardik.  Ammo kurash hali davom etadi. Oldindagi uchrashuvlarda faqat maksimal natijani ko'zlab maydonga tushamiz.

Bugungi o'yinda raqib jamoa tarkibida Bahriddin Vahobov kuchli o'yin namoyish etganligini takidlashni istardim. U katta mahorat va tajribaga ega ekanligi yana bir bor isbotladi. Jamoasi uchun muhim golga mualliflik qildi va uch ochkoni taqdim etdi.