Jaloliddin Masharipov: "Bundan buyon o'rtoqlik uchrashuvi deb yutqazavermasligimiz kerak"

Kechagi mashg'ulotlar «Zestafoni» jamoasi maydonida bo'lib o'tdi. Yig'in va Gruziya bilan o'yin haqida Jaloliddin Masharipov fikrlarini bildirib o'tdi. 

"Klubimda hammasini yaxshi, deya olmayman. So'nggi 1-2ta uchrashuvda mag'lubiyatga uchradik. Saudiya Arabistoni chempionati juda kuchli. O'zim borib o'ynab buni tushunib etdim. Oxirgi o'rindagi jamoa etakchi klublarni yutib qo'yishi mumkin. 

"Terma jamoada o'rganish jarayoni ketmoqda. Futbolchilar murabbiy nima deganini tushunib olishga harakat qilmoqda. Bundan buyon o'rtoqlik uchrashuvi ekan deb yutqazaverish kerak emas. Milliy terma jamoa ishtirokidagi o'yinlarni hamma tomosha qiladi. Gruziyaga g'alaba qozonish uchun keldik. Boisi avvalgi yig'inda darajamizdan past bo'lgan terma jamoaga mag'lub bo'lgandik. Gruziya kuni kecha SHveciya ustidan g'alaba qozondi. Hozircha Gruziyani yutishimizga va chiroyli o'yin ko'rsatishimizga ko'zim etyapti. Hamma yigitlar o'ziga ishonsa va murabbiyning ko'rsatmalarini to'liq bajarsa yutsak bo'ladi",- deydi Jaloliddin Masharipov