Jahon chempionatida qatnashgan, "Paxtakor" bilan sovrinlarni yutgan Ildar Magdeev hozir qaerda?
14 fev 2024 12:31
Yangiliklar

Jahon chempionatida qatnashgan, "Paxtakor" bilan sovrinlarni yutgan Ildar Magdeev hozir qaerda?

Bugundan Championat.asia saytida sobiq futbolchilar, murabbiylarning hozirgi kundagi faoliyati, qaerda ishlayotgani haqida malumot berib boramiz.

Ko'pchilikning taklifiga binoan ilk qahramonimiz Ildar Magdeev haqida malumot beramiz.

2002 yildan 2012 yilgacha O'zbekiston milliy terma jamoasi safida 23ta o'yinda maydonga tushgan Ildar Magdeevni tanishtirib o'tirishga hojat bo'lmasa kerak. 2001-2014 yillar davomida "Buxoro", "Paxtakor", "Lokomotiv", "Dinamo", "Oq-tepa" va Xitoyning "Cindao Jonun" klublarida to'p tepdi. Superligada "Dinamo", faoliyatida esa "Oq-tepa" so'nggi jamoasi bo'ldi.

2002 yil Ozarbayjonga qarshi o'rtoqlik uchrashuvida debyut qilgan sobiq to'p tepar terma jamoadagi oxirgi o'yinini 2012 yil mehmonda Yaponiyaga qarshi o'tkazgan. Magdeev bugungi kunda "CHig'atoy"da bosh murabbiy Dmitriy Kimga yordam bermoqda. Ravshan Haydarovdan oldin qisqa vaqt O'zbekiston U-18 terma jamoasida ham faoliyat olib bordi.