Ivan Yosovich: "Yangi mavsumni "Qo'qon-1912"da boshlashimdan xursandman"

O'tgan mavsum jamoa sharafini himoya qilgan serbiyalik himoyachi Ivan Yosovich "shunqorlar" safiga qaytish arafasida turibdi. Buni futbolchining o'zi saytimizga malum qildi. 

"Menda bir nechta variantlar bor edi. Yakunda "Qo'qon-1912" bilan kelishuvga erishdim. Yangi mavsumni shu jamoada boshlayman. Baxtiyor Ashurmatov bilan yana birga ishlash imkoniyati yuzaga kelganidan xursandman. Biz bu yil avvalgi mavsumdagi natijamizni yaxshilashga harakat qilamiz. Qo'qon men uchun ikkinchi uyimdek bo'lib qolgan. Jamoaning ajoyib muxlislari bor. SHahar ko'chalarida sayr qilar ekansiz insonlarning yoqimli kayfiyatiga guvoh bo'lasiz. Ushbu jamoa men va oilam uchun yaxshi tanlov bo'lishiga ishonaman. CHempionat boshlangach oilamni ham olib kelishni niyat qilganman",- deydi Yosovich.