Ivan Boshkovich: "Jami 8 ta gol urilgan o'yinda natija biz uchun ko'ngildagidek bo'lmadi"
19 may 22:35
Yangiliklar

Ivan Boshkovich: "Jami 8 ta gol urilgan o'yinda natija biz uchun ko'ngildagidek bo'lmadi"

Superliganing 8-turidan o'rin olgan OKMK - "So'g'diyona" (5:3) uchrashuvidan so'ng mehmonlar bosh murabbiyi Ivan Boshkovich matbuot anjumanida ishtirok etdi.

O'yin haqida

- Bugun ochiq futbol guvohiga aylandik. Bitta o'yinda 8 ta gol urilishi uchrashuvni tomosha qilgan muxlislarga ham har jihatdan maqul kelgan bo'lsa kerak. 72 daqiqa barchasi o'z qo'limizda bo'ldi. Biroq, yakuniy natija biz uchun ko'ngildagidek bo'lmadi.

Birinchi bo'limda yo'l qo'yilgan xatolarni to'g'rilay oldik, gollar urib hisobni tenglashtirgandik. Ammo ikkinchi bo'limda bolalarcha xatolarga yo'l qo'ygan vaziyatlarimiz bo'ldi. Ayniqsa, o'yinning so'nggi 25 daqiqasini juda bo'sh o'tkazdik.

- "Navbahor" bilan o'yindagi mag'lubiyat bugungi uchrashuv oldidan kayfiyatga tasir ko'rsatdimi?

- Yo'q, aksincha biz g'alaba uchun ikki karra ko'proq harakat qildik. "Navbahor"ga qarshi o'yinda yomon harakat qilmadik, aksincha yaxshi o'yinlarimizdan birini namoyish etdik. U erda 30 soniya davomida bir kishi kam bo'lib o'ynagan paytlarimzida gol qo'yib yubordik. Boshqa xatolar ham bo'lgandi, ammo bu psixologik jihatdan tasirini o'tkazdi deya olmayman. Oldinda bizni navbatdagi tur uchrashuvlari kutib turibdi, tayyorgarlikda davom etamiz.