Ivan Boshkovich: "G'alaba osonlikcha kelmasligini bugungi o'yin ham ko'rsatib berdi"
20 apr 2024 00:25
Yangiliklar

Ivan Boshkovich: "G'alaba osonlikcha kelmasligini bugungi o'yin ham ko'rsatib berdi"

O'zbekiston kubogining 2-turidan o'rin olgan "So'g'diyona" - "Jizzax" (2:0) uchrashuvidan so'ng mezbonlar bosh murabbiyi Ivan Boshkovich o'z fikrlarini bildirib o'tdi.

"Uchrashuv oson o'tmadi. Har bir g'alaba osonlikcha qo'lga kiritilmasligini bugungi o'yin ham ko'rsatib berdi. "Jizzax" klubi bizga jiddiy qarshilik ko'rsatdi. Ular yaxshi himoyalanishdi, bizga bo'sh xududlar taqdim etmaslikka harakat qilishdi.

Navbatda "Paxtakor" bilan o'ynaymiz. Ikki o'yin natijasiga ko'ra, keyingi bosqich masalasini hal qildik. Xato va kamchiliklarimiz yo'q emas, ishlashda davom etamiz. "So'g'diyona" muxlislarini g'alaba bilan tabriklayman" - deydi mezbonlar bosh murabbiyi.