"Yuventus" va "Roma" afsonasi Levandovskini "Milan"ga o'tishdan ogohlantirdi

Biroq Italiya chempionatini yaxshi biladigan shaxslar forvardni A Seriyaga ko'chishdan ogohlantirmoqda.

"Yuventus" va "Roma" sobiq yarim himoyachisi, shuningdek, Polsha futboli afsonasi Zbignev Bonekning fikricha, Italiya chempionati Levandovskiga mos kelmasligi mumkin, chunki u erda hujumchilarga qo'yiladigan talablar butunlay boshqacha.

"Agar u "San-Siro"ga ko'chib o'tsa, muammolarga duch kelardi. Italiyada o'ynash Ispaniyaga qaraganda qiyinroq. Mening fikrimcha, uning "Milan"ga o'tishi unchalik real emas, qolaversa, italiyaliklar ispaniyaliklardek maosh to'lamaydi. "Milan" yarim himoyasida 40 yoshli Luka Modrich yugurib yuribdi, ammo hujumchi bo'lish — bu doim 190 sm bo'yli himoyachilar bilan to'qnashib turish, tirsaklar bilan bir-birini turtish, qoidabuzarliklar degani.

Bilmayman, bu Robert uchun qanday chaqiriq bo'lardi. U shubhasiz eng yaxshi polshalik hujumchilardan biri, ayrimlar uchun esa eng yaxshisi. U muxlislarga juda ko'p his-tuyg'ular ulashdi va yana kamida 100 yil davomida statistikalarda etakchi bo'lib qoladi", – dedi Bonek.