Isko faqat APL klubiga o'tishga tayyor

AS xabariga ko'ra, Madridning "Real" klubi yarim himoyachisi Isko yozda jamoani tark etmoqchi. 27 yoshli ispaniyalik futbolchi "qirollik klubi" bosh murabbiyi Zinedin Zidan bilan suhbatlashganidan keyin shunday qarorga kelgan. Malum bo'lishicha, har doim o'zini Angliyada sinab ko'rishni orzu qilgan Isko faqatgina APL klublarining takliflarini ko'rib chiqadi.

Avvalroq xavbek uchun "Arsenal", "Manchester Yunayted" va "Manchester Siti" klublari kurash olib borishi haqida xabarlar tarqalgan edi.

Malumot uchun, La Liganing joriy mavsumida 16 o'yinda maydonga tushgan futbolchi bittadan gol va golli uzatmaga mualliflik qilgan.