Hakamni urgan "Navbahor"ning ikki futzalchisi ikki yilga chetlatildi

Unga ko'ra, futzal bo'yicha O'zbekiston chempionati 12-turidan o'rin olgan "Navbahor" - "Metallurg" bahsida sodir bo'lgan xunuk voqea yuzasidan chora ko'rildi. 

Esingizda bo'lsa, o'yinning 40-daqiqasida "Navbahor"ning ikki futzalchisi hakamga tashlanib, ulardan biri hatto yuziga musht tushirgandi. Qo'mita ushbu futzalchilarni ikki yil muddatga chetlatishga qaror qildi. 

→ VIDEO

“NAVBAHOR — «METALLURG»

Futzal Oliy ligasi 12-turi doirasidagi “Navbahor lochinlari”— «Metallurg» uchrashuvining 40-daqiqasida hakam tomonidan «Navbahor» jamoasi o'yinchisi Doniyor Sotvoldievga qizil kartochka ko'rsatiladi. SHundan so'ng «Navbahor» jamoasi futbolchisi Ilxom Yusupjanov uchrashuv hakami oldiga borib o'z etirozlarini qo'pol tarzda bildiradi va unga nisbatan kuch ishlatadi.

SHuningdek, jamoa azolari va boshqalar tomonidan janjalli holatni bartaraf etish choralari ko'rilayotgan vaqtda yana bir «Navbahor» futbolchisi G'ulomjon Mamadjonov ham uchrashuv hakamiga nisbatan kuch ishlatadi.

Mazkur uchrashuv internet orqali to'g'ridan-to'g'ri efirda namoyish etilayotgani, keyinchalik ushbu holat aks ettirilgan videoyozuv ijtimoiy tarmoqlarda tarqalgan va keng jamoatchilik tomonidan jiddiy etirozlarga sabab bo'lgan.

QAROR

O'zbekiston futbol associaciyasi Intizom kodeksining 5.48, 5.49-bandiga asosan «Navbahor» futbolchilari Ilxom Yusupjanov va G'ulomjon Mamadjonovga nisbatan 2 yil muddatga futbol bilan bog'liq har qanday faoliyatdan chetlashtirish va jarima intizom chorasi qo'llanildi.

SHuningdek, “Navbahor lochinlari” klubi tomonidan 2022 yilgi mavsumda O'zbekiston professional futbol ligasi tomonidan o'tkaziladigan musobaqalar Reglamentining 16.2,16.3,16.4-bandlariga rioya qilinmagani uchun klubga ham jarima intizom chorasi qo'llanildi.