Gonkong bosh murabbiyi: "O'zbekistonga qarshi 80–90 foiz kuch sarflash etarli emas"
25 mar 2024 11:04
Yangiliklar

Gonkong bosh murabbiyi: "O'zbekistonga qarshi 80–90 foiz kuch sarflash etarli emas"

Gonkong terma jamoasi bosh murabbiyi Yorn Anderson jahon chempionati saralashi 2-bosqichi 4-turidan o'rin olgan O'zbekistonga qarshi uchrashuvdan avvalgi mashg'ulot jarayonida bo'lajak o'yin haqida fikr bildirdi.

61 yoshli mutaxassisning takidlashicha, O'zbekistonga qarshi kerakli natija qayd etish uchun uning shogirdlari bor kuchini sarflashi kerak.

"Biz uzoq vaqt davomida bir xil darajadagi jamoani saqlab tura olmaymiz, chunki futbol to'qnashuvlarga boy sport turi hisoblanadi va hamisha jarohatlar uchrab turishi tabiiy.
O'zbekistonga qarshi o'yin qiyin bo'lishini barchamiz yaxshi bilamiz. Bunday jamoaga qarshi sakson yoki to'qson foiz kuchni sarflagan holda harakat qilish etarli emas. Biz bor imkoniyatimizni yuz foiz namoyish etishimiz kerak. Qolaversa, kamroq xato qilishga urinamiz", — dedi norvegiyalik murabbiy.

Eslatib o'tamiz, O'zbekiston va Gonkong o'rtasidagi javob uchrashuvi 26 mart kuni soat 19:30 da start oladi.

Avvalroq gonkongliklar Toshkent ob-havosi va maydonidan shkioyat qilishgani haqida xabar berilgandi.

Havola :

Manba : HK01

Yangiliklarni Telegramda o'qing!

Reyting: