Georgiy Kvesieshvili: “Ijobiy natijada xissam borligidan xursandman”

-Bugun chinakam jangavor durang qayd etdik, - deydi Kvesieshvili. - Uchrashuv qiyin o'tishini avvaldan bilardik. SHunga mos ravishda puxta tayyorgarlik ko'rildi. Muxlislarga katta rahmat! Ularning qo'llab-quvvatlashi bizni oxirgi soniyalargacha hujumkor futbol namoyish etishga undadi. Hisobda ortda borayotib, men kiritgan gol evaziga jamoam mag'lubiyatdan qutulib qolganidan, ayniqsa, “Qizilqum”ning ijobiy natijasi uchun hissa qo'shganimdan judayam xursandman.

Jamoamizda ajoyib muhit hukmron. Bunday ahil jamoa bilan hali ko'plab g'alabalarni qo'lga kiritishimizga ishonaman. SHunday jamoada to'p surayotganimdan mamnunman, albatta. Keyingi uchrashuvlarda ham faqat muxlislarni quvontirish uchun bor kuch va mahoratimni ishga solishga harakat qilaman, - deydi himoyachi.

“Qizilqum” PFK Matbuot xizmati.