Frenki de Yong: "Messi - dunyodagi eng zo'ri va bu "Barsa" uchun ustunlik"

"Bunday o'yinchiga ega bo'lish yaxshi, sababi u dunyoning eng yaxshi futbolchisi. Biz uning gol urishini va maydonning istalgan joyidan assistlar ijro eta olishini bilamiz.

U to'pni chiziqlar orasida egallab, vaziyatlar yaratishi, gollar urishi va paslar berishi mumkin, shu sabab uning mavjudligi - biz uchun katta ustunlik.

Unga doim to'pni uzatish mumkin, sababi u kamdan-kam to'pni yo'qotadi. Aksincha, u albatta nimadir qiladi, shu sabab bizning vazifamiz - vaziyatni o'zgartirishi uchun uning hayotini engillashtirish", - deydi niderlandiyalik futbolchi.