Florentino Peres: "Modrichni sotib olish mumkin, faqat 750 mln evroga"
03 avg 2018 13:06
Yangiliklar

Florentino Peres: "Modrichni sotib olish mumkin, faqat 750 mln evroga"

"Real" prezidenti Florentino Peres klub yarim himoyachi Luka Modrich jamoani tark etishi haqidagi gaplarga chek qo'ydi.

Jamoa rahbariyati ham, futbolchi va uning vakillari ham 32 yoshli yarim himoyachi Madridni tark etishi borasidagi gap-so'zlarni rad etishdi.

"Real" xorvatiyalik transferi borasidagi takliflarni ko'rib ham chiqmaydi. Eslatib o'tamiz, avvalroq futbolchi xizmatlariga Milanning "Inter" klubi jiddiy qiziqayotgani xabar qilingandi.

"Modrichni sotib olishning yagona yo'li – shartnomada belgilangan 750 million evroni to'lash", – qayd etadi Peres.

Futbolchi ham Madridda barchasidan qanoatlanmoqda. Yaqin kunlarda u mashg'ulotlarga qaytadi va Evropa Superkubogi uchun "Atletiko"ga qarshi o'yinga tayyorgarlikni boshlaydi.

Havola :

Manba : twitter.com/uefa

Yangiliklarni Telegramda o'qing!

Reyting: +21