FIFA 23 o'yini Jahon chempionatida Argentina g'alaba qozonishini bashorat qildi

FIFA 23 o'yini Qatarda o'tkaziladigan Jahon chempionati g'olibini bashorat qildi. Simulyator Jahon chempionatidagi o'yinlarni terma jamoalarning kuchiga qarab bashorat qilgan.  O'yin yaratuvchilarining malum qilishicha, Braziliya, Argentina, Franciya va Germaniya terma jamoalari o'z guruhlaridan qiyinchiliksiz pley-off bosqichiga chiqishgan. Musobaqaning final o'yiniga esa Argentina va Braziliya terma jamoalari etib kelishgan. Yakunda esa argentinaliklar g'olib bo'lishgan. Bronza medali uchun o'yinda Franciya Portugaliyani enggan.  

Simulyatorning bashorat qilishicha, Jahon chempionatining "Oltin to'p" sohibi Lionel Messi bo'ladi. "Oltin qo'lqop" esa Emiliano Martinesga nasib qiladi. 

Malumot uchun, FIFA o'yini oxirgi uchta Jahon chempionati g'olibini to'g'ri bashorat qilib kelmoqda.