Fevzi Davletov: "Oddiy vaziyatlarda xatolarga yo'l qo'ydik"

- Bugungi uchrashuv haqidagi fikrlaringiz?

- Oddiy vaziyatlarda xatolarga yo'l qo'ydik. Vaziyatni to'g'rilashga harakat qilayotgan vaqtimizda yana xato qildik va gol o'tkazib yubordik.

- "Surxon" jamoasi bugun o'ziga o'hshamadi va juda yomon o'yin o'tkazdi. Bunga sabab nima?

- Koncentraciyani ushlay olmadik. O'yindagi dastlabki 10-15 daqiqa hushyor bo'lishimiz kerak edi. Ikkinchi bo'limda ham xuddi shunday holat ro'y berdi. Bo'lim boshlanishida etiborli bo'lish juda muhim, biz esa yana xato qildik va gol o'tkazib yubordik. Koncentraciyani yo'qotganimiz sabab bugun shunday natija qayd etildi.

- Yangi mavsum endi boshlandi. "Surxon" jamoasi joriy mavsum o'z oldiga qanday maqsadlar qo'ydi?

- Maqsadimiz o'tgan yilgi o'yin sifatini saqlab qolish. Joriy mavsum ko'p jamoalar o'sishga erishdi. O'tgan mavsumda ko'pchilik bizdan bunday ishonchli o'yinni kutmagandi, yangi mavsumda esa barcha jamoalar bizga qarshi puxta tayyorgarlik ko'rishmoqda.

- Mavsum boshlanishiga kam vaqt qolganda jamoaga kelib qo'shildingiz. Tarkibdan ko'nglingiz to'lmoqdami? Jamoani to'liq o'rganib olishga vaqtingiz etarlicha bo'ldimi?

- Ha, jamoaga kech qo'shildim. Bor vaqtdan imkon qadar unumli foydalanishga harakat qildim. Tarkibni yanada kuchaytirishimiz kerak. Murabbiylar shtabi bilan ishlashda davom etamiz va qiyinchiliklardan qo'rqmaymiz.