Farhod Magometov: "Agar hamma tanqidlarga quloq solaversam aqldan ozishim hech gap emas"

Ushbu intervyuda Magometov nima uchun tanqidlarga o'z munosabatini bildirmasligini aytib o'tdi.

- Bu yildan etiboran jamoalarimiz uchun badal puli 180 million so'm qilib belgilandi...
- Balki sizlar surishtirmagandirsizlar, ammo eng kam badal puli bizning chempionatimizda. Bilasizmi, ushbu badal pullari kerak bo'lsa o'zini qoplamaydi. CHunki xarajatlar ko'p. Reglamentga qarasangiz badal puli nimalarga ishlatilishi haqida aniq yozib qo'yilgan.

- PFL va sizga ko'p tanqidlar bo'lib turadi. Ammo sira ularga o'z munosabatingizni bildirmaysiz. Nima uchun?
- Kimda qanday savol yoki etiroz bo'lsa o'zimga aytsin, istalgan savoliga javob beraman. Biz futbol musobaqalarini tashkillashtiramiz. Biz klublarning ichki ishlariga aralashmaymiz. Ularning muammolarini bartaraf etadigan o'z rahbarlari bor. Oliy ligada 16ta jamoa bo'lsa, barchasi teng qarayman. Kimnidir alohida ajratmayman. nimaga tanqidlarga javob bermaysiz deb so'rayapsiz. Agarda hammasiga quloq solsam, u holda aqldan ozishim hech gap emas, - deydi Magometov "Futbol Ekspress" gazetasiga.