Evro-2024. Fevzi Davletov: "CHempionlik uchun favoritlar ko'p. Lekin boshqa jamoalarni ham unutmaslik kerak"

"SHubhasiz, Evropa chempionatida jamoalar o'rtasida qizg'in raqobat kechadi. SHaxsan men Franciya terma jamoasini qo'llab-quvvatlayman. Jamoa yaxshi shakllangan va chempionlik uchun kurashishga tayyor. Kilian Mbappe bilan Franciyani o'yinini tomosha qilish qiziqarli bo'ladi deb o'ylayman. 

Germaniya terma jamoasi so'nggi yillardagi musobaqalarda yaxshi natija ko'rsata olmayapti va guruhdan chiqishni ham uddalayotgani yo'q. Oxirgi ikki Jahon chempionatida guruhda qolib ketdi, Evro-2020da esa jamoa 1/8 finalda to'xtadi. Hozir u erda Yulian Nagelsman ishlamoqda. Ishonamanki, nemislar o'z uylarida munosib harakat qiladi va hal qiluvchi bosqichgacha etib boradi. Ammo omadsizlik yuz berishi nemis futbolida inqiroz borligini anglatadi. 

Ilk Evropa chempionatim o'smirlik chog'larimga to'g'ri keladi. Niderlandiya va SSSR o'rtasidagi ajoyib final yodimda. Unda niderlandiyaliklar 2:0 hisobida g'alaba qozongandi. Rudd Gullit va Marko Van Bastenning goli jahon tarixidagi eng chiroyli gollardan biri hisoblanadi. 

Yuqorida aytganimdek Evropa chempionatida favoritlar ko'p. Turnirda raqobat katta. CHempionlik uchun kurashadigan bir nechta jamoalar bor. Franciya, Angliya, Luchano Spaletti boshchiligidagi Italiya, Portugaliya Ronaldu bilan, Ispaniya yosh jamoasi bilan yaxshi harakat qila oladi. Lekin o'zini ko'rsatadigan boshqa jamoalarni ham unutmaslik kerak. Masalan, Xorvatiya va Belgiya", - deydi Fevzi Davletov.