Eshitdik-da! "So'g'diyona"ning 3 nafar asosiy o'yinchisi "Navbahor"ga o'tmoqda

O'tgan mavsum chempionatda kumush medallarni qo'lga kiritgan va kubokda finalgacha etib borgan "Navbahor" jamoasi "So'g'diyona"ning 3 nafar asosiy tarkib futbolchilarini o'z tarkibiga jalb qilmoqda. Dekabr oyining boshida SHohruz Norxonov namanganliklar safiga o'tgani haqida xabar bergan edik.

"Championat.asia" sayti malumotlariga ko'ra, Norxonovdan tashqari, chap qanot himoyachisi Luka CHermel hamda o'ng qanot himoyachisi SHahboz Jo'rabekov ham yangi mavsumni "Navbahor" tarkibida boshlaydi.

Noyabr oyi oxirlarida har ikkala himoyachi Jizzax klubini tark etgani haqida xabar bergan edik.

O'tgan mavsum Superligada Norxonov 25ta o'yin o'tkazdi va 10ta gol urib, 3ta golli pas bergan. CHermel 24ta uchrashuvda 1ta gol urib, 1ta golli pas bergan. Jo'rabekov esa 25ta bellashuvda 2ta gol urib, 5ta golli pas bergan.

Eslatib o'tamiz, Samvel Babayan boshchiligidagi "Navbahor" bugun Namanganda yig'inga kirishadi.