Erik ten Xag - APLda tengsiz!

"Manchester Yunayted" bosh murabbiyi Erik ten Xag APLda oyning eng yaxshi murabbiyi deb topildi. O'tgan oyda MYU ten Xag boshchiligida 3 uchrashuvda 3 ta g'alabaga erishdi va birorta gol o'tkazib yubormadi.

MYU noyabrda "Fulxem", "Luton Taun" hamda "Everton"ni taslim etdi va 100 foizlik natija qayd etgan yagona jamoa bo'ldi. Bundan tashqari, "qizil iblislar" o'tgan oyda birorta gol o'tkazib yubormaslik borasida ham tanho bo'lishdi.

Ten Xag uchinchi bor ushbu sovrinni qo'lga kiritmoqda (oldingilari 2022 yilning sentyabrida va 2023 yilning fevralida). "Yunayted" ustozlari orasida faqatgina afsonaviy Ser Aleks Fergyuson Erikdan ko'proq oy murabbiyi bo'lgan (27 marta).

APL tarixida eng ko'p oy murabbiyi bo'lgan mutaxassislar:

1. Ser Aleks Fergyuson - 27

2. Arsen Venger - 15

3. Pep Gvardiola - 11

4. Devid Moyes - 10

5. Yurgen Klopp - 9

6. Martin O'nill, Xarri Rednapp - 8 martadan

7. Rafa Benitez - 7

8. Sem Ellardays, Mikel Arteta, Ser Bobbi Robson - 6

9. Karlo Anchelotti, Eddi Xau, Kevin Kigan, Klaudio Raneri - 5

10. Nunu Eshpiritu Santu, Roy Xojson, Jo Kinner, Joze Mourino, Manuel Pellegrini, Maurisio Pochettino, Gordon Strachan - 4 

11. Antonio Konte, Alan Kyorbishli, Jerar Ule, Ronald Kuman, Devid O'liri, Alan Pardyu, Styuart Pirs, Ange Postekoglu, Brenden Rodjers, Erik ten Xag - 3.

Eslatib o'tamiz, biroz avval Xarri Maguayr APLda noyabrning eng yaxshi o'yinchisi deb elon qilingan edi.

Memlar yulduziga aylangan Maguayr - APLda oy futbolchisi!