Eldorbek Suyunovning "quruq" seriyasi 406 daqiqaga etdi
13 avg 2015 12:55
Yangiliklar

Eldorbek Suyunovning "quruq" seriyasi 406 daqiqaga etdi

Qarshining “Nasaf” klubi oliy liganing oxirgi uchta va kubok doirasidagi bitta o'yinda o'z darvozasidan umuman to'p olib chiqqani yo'q.

Jamoa posboni Eldorbek Suyunov so'nggi bor 14-turda “Paxtakor” bilan uchrashuvda gol o'tkazib yuborgandi. O'sha bahsning 44-daqiqasida Igor Sergeev tomonidan kiritilgan to'pdan keyin hech kim “Nasaf” darvozasini ishg'ol qila olgani yo'q. “Ajdarlar” “Paxtakor” bilan o'yindan so'ng “Mashal” (3:0), “Andijon” (1:0) va “Olmaliq” (2:0) kabi jamoalarni taslim qilishdi.

Bundan tashqari, kecha jamoa O'zbekiston kubogi yarim finali doirasida "Lokomotiv"ni 2:0 hisobida mag'lub etdi. Bu o'yinni ham qo'shib hisoblaganda Suyunovning “quruq seriyasi” 406 daqiqaga etdi.

Qarshiliklar keyingi o'yinni 16 avgust kuni “Qo'qon-1912”ga qarshi safarda o'tkazishadi.

Havola :

Manba : championat.asia

Yangiliklarni Telegramda o'qing!

Reyting: +3