Elbek To'lqinov: “Hamjihatlik evaziga g'alaba qozondik”

"B" guruhi doirasida O'zbekiston futzal terma jamoasi Turkmanistonga qarshi bahs olib bordi. Unda vakillarimiz yirik 8:0 hisobida g'alaba qozonishdi. Uchrashuvdan keyin terma jamoamiz futbolchisi Elbek To'lqinov o'z fikrlari bilan o'rtoqlashdi. 

- O'yinni juda yaxshi boshladik. Aytaylik, yaratilgan imkoniyatlarimizdan to'g'ri va oqilona foydalandik. Bu esa g'alabamizga sabab bo'ldi. Jamoamiz bilan hamjihatlik bilan harakat qildik va bu esa bizga muvaffaqiyat olib keldi. 

Uchrashuvda Turkmaniston ham yaxshi o'ynadi. Umuman olganda, yaxshi jamoa ekan. Ularning keyingi o'yinlariga omad tilayman. 

Quvaytda musobaqa uchun barcha sharoitlar yaxshi yaratilib berilgan.  CHempionat bahslari endi boshlandi.  Xudo xohlasa, o'yinlar turdan-turga yanada qizg'in va kurashlarga boy kechadi”, - deya so'zini yakunladi To'lqinov.