Edgar Gess: "Davralar oralig'ida o'zgarishlar bo'lishi aniq"

"O'yinni yaxshi tashkil qildik. Bugun biz hisobdan tashqari, boshqa hech nimada imkoniyatni boy bermadik. O'yin borasida ham, xavfli vaziyatlarni vujudga keldirishda ham biz ajoyib qarshilik ko'rsatdik. Lekin, shuncha imkoniyatlardan foydalana olmaganimiz bu achinarli. Umuman, o'yinimiz yomon chiqmadi", - deb gap boshladi Gess.

- So'nggi paytlarda "Buxoro"ga urilayotgan gollar juda ham oddiy va qo'pol xatoliklarimiz evaziga urilyapti. Mana shu holatlardan so'ng, jamoada o'zgarishlar qilish vaqti kelgandir?
- Albatta, bunaqangi gollarni o'tkazib yuborayotganimiz yomon. SHu sababli o'zgarishlar qilish vaqti keldi deb o'ylayman. Biz o'zgartirishlar borasida jiddiy o'ylanib qoldik va barcha ishlar boshlab yuborilgan.

- Demak, davralar oralig'ida "Buxoro"ga yangilar kelib qo'shiladi va tarkib ikkinchi davragacha kuchaytiriladi?
- Ha, albatta. 5-6 ta o'zgartirishlarni amalga oshirmasak bo'lmaydi. O'ylaymanki davralar oralig'ida o'zgarish bo'ladi.

Hozirgi kunda meni quvontirgan holat, o'zimizning mahalliy, yosh futbolchilarimiz oliy ligada yoshlariga qaramay gol kirita boshlashmoqda. Bu albatta, nafaqat bizning, balki butun o'zbek futboli yutug'i hisoblanadi", - deya o'z fikrlari bilan o'rtoqlashdi Edgar Gess.