"Dinamo" Elguja Grigalashvili bilan 1,5 yillik shartnoma imzoladi

"Dinamo" Elguja Grigalashvili bilan 1,5 yillik shartnoma imzoladi

Superliga ikkinchi davrasi oldidan tarkibini kuchaytirishni rejalashtirgan "Dinamo" jamoasi o'z safiga legioner futbolchi qo'shib oldi.

Yozgi transfer oynasi yopilishiga bir necha soat qolganida "Dinamo" klubi gruziyalik legioner Elguja Grigalashvili bilan kelishuvga erishdi. Kuni kecha, 29 iyul kuni "Navbahor" bilan xayrlashgan 32 yoshli hujumkor yarimhimoyachi bugun, 30 iyul kuni "Dinamo" PFK bilan 1,5 yillik shartnomaga imzo chekdi. Unga ko'ra, Grigalashvili 2023 yil oxiriga qadar jamoamiz sharafini himoya qiladi.

"Dinamo" Tbilisi tarbiyalanuvchisi sanalmish Elguja bunga qadar "Dinamo" Batumi, "Torpedo" (Kutaisi), Kipr klublari, "Qizilqum", AGMK va "Navbahor" sharafini himoya qilgan. Gruziya milliy jamoasi safida to'p surgan. U Superliga 1-davrasida "Navbahor" safida 12 o'yinda maydonga tushib, 3ta golga mualliflik qilgandi.

"Dinamo" jamoasiga xush kelibsan, Elguja", — deyiladi samarqandliklar xabarida.

Eshitdik-da! Grigalashvili "Navbahor"ni tark etdi, uning yangi jamoasi malum