Dilyaver Vaniev: "Buxoro" barcha jabhada "Mashal"ni mag'lub etdi"

"O'yin haqida gapirish juda og'ir. Barcha jabhada "Buxoro"ga yutqazdik. Bugun o'z jamoamni tanimadim. Orada nazorat uchrashuvini o'tkazdik, "Buxoro"ga o'xshagan raqib bilan o'ynagandik. 

O'yinni tahlil qilamiz. Bilaman, bugungi mag'lubiyatdan keyin biz tomonga ko'p negativ fikrlar bildiriladi. Ammo etiborni tahlilga qaratishimiz kerak. 

Ilk daqiqalardan jamoamiz o'ziga o'xshamayotgani sezilib turgandi. Himoyadan hujumga o'tishdagi tizimli xatolar yakunda natijaga tasir qildi", – dedi Dilyaver Vaniev. 

- "Buxoro"dan shunday o'yin kutganmidingiz? 

- Albatta, "Buxoro" o'z maydonida hujumkor o'ynashini bilardik. Birinchi raqam bo'lib o'ynashini tushunardik. Biz esa aytganimdek, himoyadan hujumga chiqishda muammolarga duch keldik.