Dilshod Jabborov: “Navbahor” oldiga sovrinli o'rinlarni qo'lga kiritish vazifasi qo'yilgan”
21 jan 2017 17:12
Yangiliklar

Dilshod Jabborov: “Navbahor” oldiga sovrinli o'rinlarni qo'lga kiritish vazifasi qo'yilgan”

Mavsumga tayyorgarlikni Toshkentda o'tkazayotgan Namanganning “Navbahor” klubi bugun Bekobodning “Metallurg” klubiga qarshi navbatdagi nazorat uchrashuvini o'tkazdi.

Ushbu bahsda bekobodliklar 3:2 hisobida g'alaba qozonishdi. O'yindan so'ng “Navbahor” futbolchisi Dilshod Jabborov o'z fikrlarini bildirdi.

“Mavsumga jiddiy tarzda hamma qatori tayyorgarlik ko'rmoqdamiz. Mashg'ulotlarda ko'proq jismoniy holatimizga etibor beryapmiz. O'rtoqlik o'yinlarida natija muhim emas.

Jamoamizga kuchli futbolchilar kelib qo'shilishdi. Oldimizga sovrinli o'rinlarni qo'lga kiritish qo'yilgan. Voha jamoalaridan jiddiy takliflar bo'ldi. Lekin “Navbahor”da qolishni maqul ko'rdim. Xorij klublaridan qiziqishlar bo'ldi, lekin jiddiy emas. Oldimizda “Buxoro” jamoasiga qarshi yana bitta o'rtoqlik uchrashuvi bizni kutib turibdi”, - deydi “Navbahor” futbolchisi Dilshod Jabborov.