Davron Fayziev: “Ishlashda, harakat qilishda davom etamiz”

O'yindan so'ng “So'g'diyona” bosh murabbiyi Davron Fayziev matbuot anjumaniga qatnashdi.

- Avvalambor, barcha yurtdoshlarimizni ulug' bayramimiz Hayit bayrami bilan tabriklayman. Hammaning xonadoniga sog'lik-salomatlik,xotirjamlik. Yurtimiz doimo  tinch bo'lsin.

Bugungi o'yin haqida gapiradigan bo'lsak, bahs qiziqarli bo'ldi. Biz yaratilgan imkoniyatdan foydalana olmadik. Bu degani biz jamoaga yaxshi xujumchi qidirishimiz kerak. Birinchi davrani yaxshi tugatmadik. Ikkinchi davrada qanday o'zgarish bo'ladi bilmadim. Bu haqida rahbariyat bilan bir qarorga kelamiz. O'zgarish bo'lishi aniq. Futbolchilarda ham,o'zimizning ish uslubimizda ham albatta o'zgarish bo'ladi. Yigitlar bugun borini berib o'ynashdi. Faqat ko'plab imkoniyatlardan foydalana olmadik.

Ikkinchi davra biz uchun og'ir kechadi. Turnir jadvalidagi o'rinlar buni aytib turibdi va biz ikkinchi davraga jiddiy tayyorgarlik ko'ramiz. Jamoadan kimlar ketadi,kimlar qoladi man buni oldindan ayta olmayman. Tarkibga yangi futbolchilar kelib qo'shilishi aniq. Hayot davom etadi. Biz faqat oldinga yuramiz. Mag'lubiyatdan so'ng bundan fojea yasash yoki tushkunlikka tushish noto'g'ri. Hozir futbolchilarni qo'llab-quvvatlash kerak bo'lgan vaqtimiz. Biz birinchi davrani bunday tugashini xohlamagandik. Yaxshi kayfiyatda tugatmoqchi edik. Aksi bo'lib chiqdi. Ishlashda,harakat qilishda davom etamiz, - deydi Fayziev.

“So'g'diyona” matbuot xizmati