Bugun futbol. "Buxoro" - "SHo'rtan"

Buxoro (Buxoro) – SHo'rtan (G'uzor)
6 may 2017. Buxoro. "Buxoro" stadioni. 18:00
Hakamlar: V. Ceytlin (Toshkent), R. SHoyaxmetov (Toshkent), A. Snetkov (Toshkent vil.), I. Ibragimov (Nukus)
Nazoratchi: O. Rubakov (Toshkent).
O'zPFL vakili: B. Mametov.

O'yin oldidan: Bugun "SHo'rtan" safarda faqat g'alabani ko'zlab harakat qilsa kerak. CHunki hozircha safar o'yinlarida uch ochko qo'lga kiritilgani yo'q. O'z navbatida "Buxoro" ham o'z muxlislari qarshisida g'alaba uchun kurash olib boradi.

Turnir jadvalidagi o'rni: "Buxoro" 13 ochko bilan 7-o'rinni, "SHo'rtan" esa 9 ochko bilan 11-pog'onani egallab turibdi. Jamoalarni hozircha to'rt ochkolik farq ajratmoqda.

Fakt: Bugun "Buxoro" o'z maydonida beshinchi uchrashuvini o'tkazadi. Jamoa avvalgi to'rt bellashuvning faqat ikkitasida g'olib chiqqan. Buxoroliklar uyda "Olmaliq" va "Neftchi"ni mag'lub etgan holda "Obod"ga imkoniyatni boy berishgan, shuningdek "Mashal" bilan durang o'ynashgan.

Fakt: "SHo'rtan" safardagi uchta o'yinning hammasida mag'lub bo'lgan. Dastlab "Dinamo"ga, keyingi o'yinlarda esa "Metallurg" va "Navbahor"ga imkoniyat boy berilgan. To'plar nisbati 2-8.

Bilasizmi? "SHo'rtan" oliy liga klublari orasida safar o'yinlarida hali birortayam ochkoni qo'lga kiritmagan yagona jamoa bo'lib turibdi. Uch o'yin - uch mag'lubiyat.

Esingizdami? O'tgan yil Buxoroda kechgan mazkur jamoalar ishtirokidagi uchrashuvda mezbonlar 3:1 hisobida zafar quchishgan.