"Bu g'irt tentaklik": Rabo Avstraliyada o'tadigan "Milan" – "Komo" uchrashuvini tanqid qildi

A Seriya uchrashuvi Italiyada emas, Avstraliya o'tish qarori nafaqat UEFA, balki "rossoneri" yarim himoyachisi Adrien Rabo tomonidan ham tanqidga uchradi.

Franciyalik xavbek Italiyaning ikki jamoasi o'rtasidagi o'yin uchun bunday uzoq safarni jinnilik deb atadi, biroq bu vaziyatda hech narsa qila olmasligini tan oldi.

"Bu g'irt tentaklik. Albatta, ligaga malum darajadagi ko'rinish berish uchun moliyaviy kelishuvlar bor, lekin bularning barchasi bizning nazoratimizdan tashqarida. Avstraliyada ikki Italiya jamoasi o'rtasidagi o'yinni o'tkazish uchun shuncha kilometr yo'l bosib o'tish telbalikdir. Biz moslashishga majburmiz. Har doimgidek. Taqvim va futbolchilarning sog'lig'i haqida ko'p gapiriladi, biroq bularning barchasi haqiqatan ham bemani tuyuladi", – dedi Rabo.