Baxtiyor Ashurmatov: "Asosiysi g'alabani qo'lga kiritish edi"

- Bugun mavsumning eng qiyin va asabiy o'yinlaridan birini o'tkazdik. Afsuski so'nggi turlarda, mag'lubiyatlar girdobiga tushib qolgandik. SHu sababli, “Andijon”ga qarshi o'yinni masuliyati va bosimi katta edi. Bunga yana bir sabab sifatida andijonliklarni so'nggi uchrashuvlarda munosib tarzda to'p surayotganliklarini ham ko'rsatish mumkin. Ular har bir o'yinda oxirgi jangga chiqqandek harakat qilishmoqda.Bunga raqibning “SHo'rtan” va “Lokomotiv”ga qarshi kechgan o'yinlari yozuvini ko'rgach amin bo'ldik. O'sha bahslarda ular yomon taassurot qoldirishmagandi. Bugungi o'yinda havotirlarimiz o'z istotini topdi.Yani “Andijon” jamoasi oxirgi soniyalargacha o'zi uchun kerakli natija uchun kurashdi. Aynan shu sababli, bugungi bahs biz uchun qiyin bo'ldi. Muxlislarimiz etirozlarini to'g'ri tushunish kerak. Negaki ular o'yingohga dam olgani va chiroyli futbol tomosha qilish ilinjida kelishadi. Bugungi o'yin uchun ishqibozlarimizdan uzr so'ragan bo'lardim.Hozirgi sharoitda asosiysi g'alaba qozonish va uch ochkoni qo'lga kiritish edi. Masalan “Bunyodkor” yoki “Paxtakor”ga qarshi jamoamiz yaxshi o'yin ko'rsatdi. Muxlislarimiz imkoniyatni boy bergan bo'lishimizga qaramay, jamoamiz azolarini olqishlar bilan kuzatib qo'yishgandi. Afsuski o'sha o'yinlarda ochko ola bilmagandik. Bugun esa o'zimiz va muxlislar xohlagandek o'yin ko'rsatmagan bo'lsakda, uch ochkoni qo'lga kiritishni uddasidan chiqdik. Aynan shu sababli, ushbu bahsda asosiysi uch ochkoni qo'lga kiritish hisoblanardi.